Një fëmijë ka mbetur i plagosur në një aksident mëngjesin e sotëm në Shëngjin. Ngjarja ndodhur në qendër të Shëngjinit, ku një mjet ka përplasur një fëmijë që po kalonte nga njëra anë e rrugës në tjetrën.
Fëmija është dërguar me urgjencë në spitalin e Lezhës, teksa policia ka nisur hetimet për zbardhjen e ngjarjes dhe ka shoqëruar drejtuesin.
Mësohet se fëmija ka qenë i shoqëruar me prindërit dhe në momentin që po kalonin rrugën është shkëputur nga duart. Sipas bluzave të bardha, fëmija ndodhet në gjendje të rëndë.