Ambasada Amerikane në Tiranë njofton se ambasadorja Yuri Kim ka vlerësuar me një çmim Gledis Nanon, drejtor i Anti-Terrorizmit në Policinë e Shtetit Shqiptar.
Ambasada bën me dije se Nano është vlerësuar për bashkëpunimin dhe përkushtimin e tij në mbështetje të përpjekjeve të përbashkëta për të luftuar terrorizmin global.
“Më 17 gusht, Ambasadorja Yuri Kim dorëzoi një Çmim Vlerësimi për Gledis Nano, Drejtor i Anti-Terrorizmit në Policinë e Shtetit Shqiptar. Çmimi e vlerësoi Z. Nano për bashkëpunimin dhe përkushtimin e tij në mbështetje të përpjekjeve të përbashkëta të Ambasadës Amerikane me Policinë e Shtetit Shqiptar për të luftuar terrorizmin global. Ambasadorja Kim nënvizoi gjithashtu edhe bashkërendimin dhe bashkëpunimin e tij me të gjitha çështjet e Ambasadës për zbatimin e ligjit dhe ato kundër terrorizmit”, shkruan Ambasada Amerikane.
