Kryedemokrati Lulzim Basha iu është bashkuar sot urimeve me rastin e festës së Abaz Aliut, duke uruar kështu besimtarët bektashinj.
Përmes një postimi në Twitter, kreu i PD-sw shkruan se Mali i Tomorrit është burim paqeje, shprese harmonie për të gjithë shqiptarët.
Mes të tjerash Basha iu bën thirrje autoriteteve të lehtësojnë qarkullimin e automjeteve dhe të jenë të vëmendshëm për çdo emergjencë shëndetësore.
“Në ditën kulmore të pelegrinazhit të mijëra besimtarëve bektashinj në Malin e shenjtë të Tomorrit, uroj një marshim të mbarë, duke vlerësuar lart sakrificën e tyre për të forcuar besimin në Zot. Mali i Tomorrit është burim paqeje, shprese harmonie për të gjithë shqiptarët. I bëj thirrje autoriteteve të lehtësojnë qarkullimin e automjeteve dhe të jenë të vëmendshëm për çdo emergjencë shëndetësore.”, shkruan Basha.