Marrja e nuses është një nga momentet më të veçanta në dasmat shqiptare. Kjo traditë vijon të ruhet edhe në ditët e sotme.
Ndërkohë, në rrjetet sociale ka qarkulluar sot një video, ku një person nga makina e krushqve qëllonte me kallashnikov në mes të autostradës së Laçit, duke rrezikuar jetën e qytetarëve.
Duket se krushqit kanë qenë të armatosur rëndë. Në rrjet po qarkullon një tjetër foto, ku një person nga mjeti BMW X5 është fotografuar me pistoletë në dorë, pranë burgut të Reçit.
Më herët gjatë ditës së sotme është publikuar një tjetër video në rrjetet sociale, ku dasmorët kishin zbritur nga makinat dhe kërcyen në mes të autostradës në Laç, duke bllokuar qarkullimin.