Aktorja Blake Lively ka nisur festën për ditëlindjen e saj para kohe. Në 25 gusht ajo mbush 33 vjeçe dhe gjatë fundjavës ka nisur të festojë për këtë ditë të shënuar në jetën e saj. Por ajo çfarë ju ka rënë më shumë në sy ndjekësve të saj, është fakti se aktorja ka zgjedhur që të veshë për festë një fustan të punuar nga stilistja shqiptare, Teuta Matoshi.
Lively shihet se ka zgjedhur një fustan jeshil me disa qershi të kuqe dhe në postimin e saj ka përmendur edhe stilisten shqiptare duke i dhënë atributet për veshjen e veçantë. Veshjen e saj, Balke Lively e ka kompletuar me një palë këpucë nga Christian Louboutin.
Në fakt kjo nuk është hera e parë që Teuta Matoshi vesh emra me famë ndërkombëtare. Shumë vajza të famshme në mbarë botën, duke nisur nga modele, aktore, blogere dhe personazhe që kanë kaluar në tapetin e kuq, kanë zgjedhur që të veshin krijimet e veçanta të Teuta Matoshit.
Matoshi është pjesë e brezit të parë të stilistëve shqiptarë në Kosovë dhe ajo ka lançuar linjën e parë të veshjeve në vitin 2007. Tashmë ajo ka një atelie mode në Neë York, ku krijon dhe shet fustane së bashku me motrën e saj, Lirika Matoshi, e cila po ashtu është një stiliste shumë e fams