Në 24 orët e fundit në Kubë 96 persona kanë humbur jetën si pasojë e koronavirusit të ri (COVID-19). Ministria e Shëndetësisë e Kubës njoftoi se me vdekjen e 96 personave në ditën e fundit numri i përgjithshëm i viktimave në vend shkoi në 4.806.
Gjithashtu me zbulimin e 8.637 rasteve të reja me COVID-19 në 24 orët e fundit numri i përgjithshëm i rasteve u rrit në 611.163 dhe numri i të shëruarve në 555.370. Pretendohet se kohët e fundit sistemi shëndetësor i Kubës ka filluar të ketë probleme për shkak të rritjes së shpejtë të numrit të rasteve dhe viktimave nga COVID-19.
Në vend deri më tani mbi 5 milionë persona kanë marrë dozën e parë të vaksinës, 4.440.553 persona dozën e dytë dhe 3.132.266 persona edhe dozën e tretë. Ndërkohë thuhet se numri i rasteve aktive ka kaluar mbi 50.000.