Një ngjarje e rëndë ka ndodhur në Has. Një 27-vjeçar është arrestuar ditën e sotme nga policia, pasi dyshohet se ka kanosur me sëpatë dy prindërit e tij.
27-vjeçari u arrestua në flagrancë nga uniformat blu, duke bërë në këtë mënyrë shmangien e një krimi dhe tragjedie të rëndë në familje.
Materialet në ngarkim të tij i kaluan Prokurorisë së Rrethit Gjyqësor Kukës, për veprime të mëtejshme.
Njoftimi i plotë i policisë:
Specialistët për Hetimin e Krimeve në Komisariatin e Policisë Has kanë arrestuar në flagrancë për veprën penale “Dhuna në familje”, shtetasin S. H., 27 vjeç, banues në Krumë, pasi dyshohet se ka kanosur me sëpatë prindërit e tij, në banesë.
Materialet i kaluan Prokurorisë së Rrethit Gjyqësor Kukës, për veprime të mëtejshme.