Një efektiv policia me inicialet D.H., ka mbetur i plagosur si pasojë e një aksidenti automobilistik. Mësohet se efektivi po udhëtonte me motorin e tij të punës tek kthesa e Rinasit, në momentin që është përplasur nga një mjet me drejtues me inicialet M.Zh..
Për pasojë polici është plagosur, është dërguar në spital dhe marrë ndihmën e nevijshme mjekësore. Më pas, ai ka dalë nga spitali dhe ndodhet në gjendje të mirë shëndetësore.
Njoftimi i policisë:
Më datë 29.08.2021, rreth orës 18:20, tek kthesa e Rinasit, mjeti me drejtues shtetasin M. Zh., është përplasur me motorrin e policisë rrugore, me drejtues punonjësin e policisë shtetasin D. H, i cili si pasojë është dëmtuar dhe pas marrjes së mjekimit, doli nga spitali. Grupi hetimor ndodhet në vendngjarje dhe po punon për sqarimin e rrethanave të aksidentit.