Presidenti Ilir Meta ka dekretuar sot datën për thirrjen e mbledhjes së Kuvendit të porsazgjedhur. “Ditën e premte, në datë 10 shtator 2021, ora 10:00, thirret për t`u mbajtur mbledhja e parë e Legjislaturës së X-të të Kuvendit të Republikës së Shqipërisë. Ky dekret hyn në fuqi menjëherë”, thuhet në dekretin e firmosur nga Meta.
Ditën e nesërme kryeministri Edi Rama pritet të prezantojë qeverinë e re, ndërsa në parlamentin e ri do të rikthehen deputetët e Partisë Demokratike dhe LSI-së.