Jamarbër Malltezi dhëndri i Sali Berishës u la jashtë kryesisë së PD-së, e duket se ky përjashtim nga çdo organ venimmarrës në PD nuk i ka pëlqyer. Në Facebook, ai i ka bërë ‘like’ postimit të një faqeje memesh, ku ironizohej kreu i PD-së, Lulzim Basha.
“Falë sakrificës dhe falë qëndresës tuaj, Edi Rama sot nuk është më kryeministër….Rreeeeth flaaamuriiiit….”, shkruhet në statusin që duket se i bëri përshtypje Malltezit, duke i dhënë edhe një pëlqim.
Nëpërmjet këtij postimi, ironizohet aksioni i Bashës për rrëzimin e Ramës nga pushteti, ndërsa mbyllet me vargjet e Himnit të Flamurit, të kënduara nga Basha gjatë protestave të opozitës.
Malltezi ishte pjesë e emrave të propozuar nga Lulzim Basha për Kryesinë e re, por 450 anëtarët e Këshillit Kombëtar të PD-së nuk e kanë votuar. Një sinjal i qartë ky nga demokratët për Bashën, për spastrimin nga radhët e tyre të emrave të lidhur ngushtë me korrupsionin dhe largimin e Berishës, pas shpalljes së tij “Non grata” nga SHBA.
Ky mesazh vjen vetëm pak ditë përpara se të nis sesioni i ri parlamentar e teksa Berisha i ka dalë hapur kundër SHBA-së duke thënë se do të rikthehet në Kuvend, ndërsa Basha hesht!
