Dua Lipa nuk do të jetë pjesë e “Met Gala” që do të zhvillohet këtë vit. Sipas mediave të huaja, këngëtarja shqiptare nuk do t’i bashkohet pjesës tjetër të të ftuarve për shkak të angazhimeve në një tjetër profesion, atë të aktrimit.
Ajo ishte e ftuar në këtë event në mesin e shumë personazheve të famshëm, por duke qenë se ka nisur xhirimet e filmit të saj të parë, “Argylle” e ka pasur thuajse të pamundur prezencën atje.
Këngëtarja me origjinë shqiptare do të luajë në film përkrah Henry Cavill, Sam Rockëell, Bryce Dallas Hoëard, Bryan Cranston, Catherine O’Hara, John Cena dhe Samuel L. Jackson.
“Argylle” bazohet në romanin e Ellie Conëay, që mban të njëjtin titull. Filmi tregon historinë e spiunit numër 1 në botë dhe aventurat e tij ndërkombëtare në Amerikë, Londër dhe destinacione të tjera nëpër botë.
Kujtojmë se më herët ajo u përfshi në telashe, për shkak se një fotograf i kërkon dëmshpërblim. Ajo u padit për një foto të publikuar në Instagram, të drejtat e së cilës i kishte një paparac.
Sipas dokumenteve të gjykatës amerikane, ylli ishte fotografuar në radhë në një aeroport në shkurt të vitit 2019 dhe më vonë ndau imazhin me fansat ‘pa leje ose autorizim’. Fotoja u fshi, ndërsa Dua i detyrohet një dëmshpërblim prej 150 mijë dollarësh.
Integral Images kishte aplikuar për të drejtat e autorit të imazheve dhe kërkesa iu dha në 20 shkurt 2021 – pas postimit të Lipës në Instagram – sipas të dhënave nga Zyra Amerikane e të Drejtave të Autorit.