Prej disa kohësh po qarkullojnë në rrjet foto të ish-Miss-it shqiptar, Cindy Marinës me të birin e ish-kryeparlamentares së vendit, Jozefina Topallit.
“Panorama Plus” publikoi imazhe ku Genar Topalli shihej në një restorant në Vlorë së bashku me një bjonde.
Që nga momenti i publikimit të këtyre fotove u fol lart e poshtë se ata kanë nisur një marrëdhënie dashurie duke qenë se i bashkon edhe qyteti i lindjes, Shkodra.
Së fundmi, Cindy Marina ka qenë e ftuar në “ABC e mëngjesit” ku ka folur për herë të parë rreth këtyre lajmeve.
E pyetur në lidhje me këto zëra, ajo ka preferuar që as ta mohojë dhe as ta pohojë këtë lajm, duke lënë të kuptohet se mes tyre me të vërtetë ka nisur diçka.
“Unë vetë kurrë nuk kam fol për jetën time personale dhe as në Instagram nuk kam postuar asgjë. Kam vendosur për të mos folur derisa të marr një vendim”, u shpreh ajo.
Ndër të tjera, ajo foli edhe për pasionin e saj për volejbollin, të cilin tha se ka trashëguar nga nëna e saj. Ajo u shpreh se edhe pse ka gati 11 vite që po merret me këtë sport, nuk e shikon si diçka që do zgjasë përjetësisht edhe në të ardhmen.
“Volejbolli për mua ka qenë një pjesë shumë e rëndësishme për 11 vite. Kam për ta dashur shumë, po do vij një moment që nuk kam për ta bërë më”, tha ajo.