Bashkimi Evropian ka shprehur ngushëllime pas tragjedisë që ndodhi mbrëmë në spitalin modular në Tetovë. Me anë të një postimi të bërë në Twitter, zëdhënësja e BE-së, Pisonero shpreh ngushëllimet për jetët e humbura.
“BE shpreh ngushëllimet më të thella deri tek familjet dhe miqtë e viktimave të këtij zjarri tragjik në spitalin modular në Tetovë ku trajtoheshin personat e prekur nga Covid-19. Të lënduarve iu dëshirojmë shërim të shpejt”, thuhet në njoftimin e zëdhënëses së Bashkimit Evropian, Ana Pisonero.
Ambasadori i BE-së në Maqedoninë e Veriut, David Gere gjithashtu shprehu ngushëllimet e tij.
“Ndajm dhimbjen me njerëzit e Tetovës këtë mëngjes pas zjarrit tragjik në spitalin modular. Ngushëllimet e sinqerta për familjet dhe miqtë e të vdekurve, ndërkaq shpresojmë për shërim të shpejtë të plagosurve”, shkroi Gere në Twitter.