Situata politike në shqipëri do të diskutohet në Komisionin për Politikën e Jashtme në Parlamentin Europian. Ky komision do të mblidhet diten e martë në një seancë të posacme me dyer të mbyllura, nën drejtimin e gjermanit David McAllister dhe pritet të dalin me një deklaratë për Shqipërinë.
Javën e shkuar Shqipërinë e vizitoi një grup europarlamentarësh që kryesoheshin nga raporteri për Shqipërinë Knut Fleckenstein të cilët zhviluan takime me të gjithë faktorin politik. Europarlamentarët u shprekhen kundër djegies së mandatave dhe bojkotit të parlamentit, ndërsa bënë apel për dialog në funksion të procesit të integrimit të vendit në Bashkimin Europian.
Zhvillimet politike në Tiranë vijojnë të jenë larg këtij apeli. Nga njëra anë opozita ka dorëzuar mandatet në KQZ dhe ka njoftuar se do të vijojë me aksionin opozitar duke zhvilluar protesta sa herë të ketë seancë. Nga ana tjetër, mazhoranca ka njoftuar ditën e martë si ditën e zhvillimit të seancës por nuk ka bërë të ditur orën. Javën e shkuar, opozita organizoi një protestë para parlamentit për vetëm 4 orë dhe në disa raste u bë pengesë edhe e futjes së deputetëve në seancë. Seanca e radhës është njoftuar ditën e neserme dhe përvec rendit të ditës do të bëhet edhe betimi në seancë i deputetëve të rinj nga lista e PD-LSI të cilët do të marrin mandatin nga KQZ gjatë ditës së sotme.