Ish-kryeministri Sali Berisha është shprehur se nëse një shtet tjetër emëron se kush do të jetë deputet dhe kush jo, atëherë dorëzohet sovraniteti.
Në emisionin Zonë e Lirë në RTV Klan, Berisha tha se Basha me këtë akt pabesia synon që të hapë rrugën e bashkëpunimit me Ramën.
Berisha: Nëse dikush tjetër emëron se kush do të jetë deputet dhe kush jo, atëherë dorëzohet sovraniteti. Amerika duhet t’i caktojë kryetarët e partive dhe deputetët. Unë nuk jam aspak dakord. Nëse ndodh kjo gjë, ky vend nuk ka aspak sovranitet.
Do të ndërmarr një debat më anëtarët dhe drejtuesit e PD-së, për të diskutuar mënyrën se si Basha shkelmoi çdo rregull statutor. Së dyti, Basha me këtë akt pabesia synon që të hapë rrugën e bashkëpunimit me Ramën. Kam pasur dyshime për marrëveshje, por nuk e kam ditur faktike. Ramës i duhet fasada. Luli bashkoi forcat me Edi Ramën, kundër Sali Berishës. Mund të bëhen investigime për interesa të nëndheshme.