Nëse doni një ushqim që t’ju mbajë të ngopur për një kohë të gjatë, atëherë veza është ajo që ju nevojitet, pasi është shumë e pasur me proteina. Konsumimi sistematik i vezëve lidhet me një sërë arsyesh shëndetësore pasi mbron sytë nga katarakti dhe degjenerimi makular.
Për më tepër, e verdha e vezës është një burim i kolinës, e cila përmirëson kujtesën dhe funksionin e përgjithshëm njohës. Konsumi i vezëve është gjithashtu një ushqim ideal për mëngjes pasi duket se përmirëson humbjen e peshës, në krahasim me opsionet e tjera siç është buka. Sa vezë mund të hamë?
Njerëzit që nuk kanë kolesterol të lartë mund të hanë një vezë edhe çdo ditë, gjithmonë si pjesë e një diete të ekuilibruar të ulët në yndyra të ngopura. Për ata që kanë kolesterol të lartë, rekomandohet të kufizojnë – por jo të ndalojnë – konsumin e vezëve, sipas udhëzimeve.