Deputeti i Partisë Demokratike Agron Gjekmarkaj ka sqaruar arsyen se përse qeshën deputetët në sallë, gjatë fjalimit të mbajtur nga deputeti i Lushnjës Sajmir Korreshi.
Ai tha se ishte një e qeshur kënaqësie dhe jo talljeje, pasi sipas tij fjalimi u pëlqeu të gjithëve.
“Ka dy të qeshura, një e qeshur se diçka të pëlqen dhe një e qeshur, kur do ta tallësh ta përqeshësh një gjë. Dhe fjalimi në rastin e zotit Korreshi ishte një e qeshur kënaqësie, sepse na pëlqeu të gjithëve ajo që ai tha me një sens të fortë humori dhe ishte e pamundur ti rezistoje të qeshurës. Nuk ishte përçmuese. Përçmuese ishte e qeshura që na kapi më vonë, kur folën ministrat e qeverisë”, u shpreh Agron Gjekmarkaj.