Një aksident me pasojë plagosjen e tre punonjësve të policisë. Policia sqaron se aksidenti ka ndodhur rreth orës 20:10, në aksin rrugor Milot-Morinë, në afërsi të një karburanti.
Mjeti drejtohej nga një 35-vjeçar me iniciale E.A., banues në Angli. 35-vjeçari mësohet se është përplasur me automjetin e policisë tip “Ford”, ku për pasojë kanë marrë dëmtime të lehta 3 punonjës të Policisë së Kukësit.
Të tre efektivët janë dërguar për mjekim në spitalin e Mirditës.
Nga ana tjetër një grup hetimor është ngritur për këtë aksident po punohet për zbardhjen e plotë të rrethanave të ngjarjes.