Dhjetra minatorë dhe ish minatorë të Bulqizë punojnë prej të mërkurës në mesditë për gjetjen e minatorit Muharrem Plaku, i cili mbeti i izoluar në një galeri private në Zonën e Parë, Bulqizë.
Me punonjësit e subjektit minerar janë bashkuar banorë të Bulqizë të cilët punojnë pa pushim për largimin e inerteve nga galeria dhe krijimi i mundësive për gjetjen e 60 vjeçarit, fati i të cilit ende nuk dihet.
Mësohet se tonelata krom dhe inerte kanë rënë nga tavani i galerisë dhe aktualisht në galeri nuk mund të punojnë më shumë se një ose dy minatorë njëherësh, çka do të thotë se do të duhen disa ditë për gjetjen e minatorit Plaku.