Një lajm i ëmbël ka ardhur nga Familja Mbretërore. Princesha Beatrice dhe bashkëshorti i saj, Edoardo Mapelli Mozzi kanë mirëpritur në jetë vajzën e tyre, e cila erdhi në jetë të shtunën. Lajmin e bukur e konfirmoi Pallati Buckingham në një deklaratë.
“Princesha Beatrice dhe Edoardo Mapelli Mozzi janë të lumtur të njoftojnë ardhjen e sigurt të vajzës së tyre të shtunën, 18 Shtator 2021, në orën 23.42, në spitalin Chelsea dhe Westminster, Londër. Familja do të donte të falënderonte të gjithë stafin në spital për kujdesin e tyre të mrekullueshëm. Lartësia e saj Mbretërore dhe fëmija i saj janë mirë dhe çifti mezi presin ta prezantojnë vajzën e tyre me vëllain e saj të madh Christopher Woolf.”
Princesha Beatrice dhe Mozzi u fejuan në shtator 2019 dhe u martuan në muajin korrik të vitit të kaluar, në një ceremoni të fshehtë në All Saints Chapel, Windsor Great Park, pasi planet për një event publik madhështor u shkatërruan nga pandemia e koronavirusit.
“Të dy jemi shumë të emocionuar që po fillojmë këtë aventurë jetese së bashku dhe mezi presim të martohemi. Ne ndajmë kaq shumë interesa dhe vlera të ngjashme dhe e dimë që kjo do të na mbajë si një çift shkëlqyeshëm në vitet në vazhdim, plot dashuri dhe lumturi”, thanë ata në një deklaratë.