Zv.kryeministri Erion Braçe teksa hynte në Kuvend tha se opozita le ti paraqesë kërkesat e saj dhe maxhoranca është e gatshme t’i pranojë.
“Të gjitha garancitë që opozita kërkon t’i shkruajë vetë në një letër të bardhë ne jemi gati ti pranojmë në raport me ato që janë parime kushtetuese të funksionimit të shtetit ligjor e demokracisë në këtë vend. Duan zgjedhje patjeter, mbi bazën e garancive që pretendojnë”, tha Braçe.
Mirëpo opozita kërkon qeveri tranzitore dhe zgjedhje të përgjithshme të parakohshme, dy kushte që maxhoranca nuk do e pranojë, dhe këtë bëri të ditur dhe Braçe. “Po flasim për zgjedhjet që vijnë”, theksoi ai.
