Mediat italiane bëjnë të ditur se është goditur një grup kriminal në Siena, pas një hetimi gjashtëmujor të policisë. Nga hetimet aktiviteti i shpërndarjes së kokainës ishte në gjithë Toskanën, me një rrjet kompleks që vinte nga Italia e Veriut. Persona të hetuar janë rreth 20 aktualisht.
Mediat italiane bëjnë të ditur se pjesa më e madhe e tyre janë rezident në Sinalunga, me një lidhje direkte nga Shqipëria për aktivitetin e shpërndarjes së drogës që arrinte deri në një kg kokainë e pastër 80/85%, e prerë me kreatinë, që vinte direkt nga Shqipëria.
Hetimet janë bërë më pergjime telefonike e ambientale, lëvizjet e tyre në zonat pyjore të Sienës. Ndërkohë kokainë është sekuestruar edhe nga karabinierët e Macerata tek një i afërm i njërit prej të dyshuarve. Hetimi 6-mujor nxorri në dritë një biznes prej 100 mijë eurosh në muaj.
Edhe pse nuk bëhen të ditura idenitetitet janë dhënë gjashtë masa në total dhe dy persona në burg, që sipas mediave italiane janë kreu i bandës dhe bashkëpunëtori i tij kryesor.