Komiteti Teknik i Eksperteve është mbledhur këtë mesditë lidhur me situatën aktuale në vend përsa i përket pandemisë së COVID-19.
Përsa i përket situatës së vaksinimit, prof. Silva Bino bëri të ditur se ka një rritje të numrit të vaksinimeve, ku bashkia me të dhënat më të mira është Gjirokastra, me mbi 80% të vaksinuar me një dozë dhe 60% me të dy dozat. Ndërsa në veri ka një mbulesë të mirë vaksinale dhe Mirdita dhe Puka.
Bino tha se ka një humbje zero të vaksinës. “Nuk ka vaksinë të ketë skaduar e mos të jetë përdorur, po ccdo vaksinë është përdorur konform të gjitha rregullave”, tha Bino.
Kreu i shërbimit të Urgjencës Skënder Brataj tha se falë vaksinimit është e mirë mbrojtja nga format më të rënda dhe ka një humbje të jetës. Ai tha se është rritur dhe numri trajtimi në banesë.
Në Spitalin Infektiv janë aktualisht 230 pacientë të shtruar me COVID-19 bëri të ditur mjeku Dhimitër Kraja. Sipas tij 16 persona janë në intubim, teksa ka një rritje të numrit të grave shtatzënë të infektuara. Ai tha se ka dhe të vaksinuar mes atyre që janë të shtruar por është shifër e papërfillshme. Grupmoshat variojnë nga 19 deri në 89 vjeç, ku mbizotëron grupmosha 50-65 vjec.
Që nga nisja e pandemisë deri më sot janë hospitalizuar 360 fëmijë po fatmirësisht nuk ka pasur fatalitete.
“Deri tani ka pasur 360 fëmijë të hospitalizuar që nga fillimi i pandemisë që kanë rezultuar me komplikacione të ndryshme por që kanë dalë të shëruar Shifrat e fatalitetit ato të vitit të kaluar, pra skemi asnjë rast deri tani me komplikacione të rëndësishme post covid”, tha mjekja Gjeorgjina Kuli.