Nën/komisari i Lezhës, Saimir Hoxha është shpallur “Dëshmor i Atdheut” me vendim qeverie. Ministri Bledi Çuçi tha se familjarët do të trajtohen menjëherë financiarisht nga shteti.
“Siç e dini dje humbi jetën në mënyrë tragjike nën komisari Saimir Hoxha. Sot morëm vendimin për shpalljen Dëshmor i Atdheut, dhe njëkohësisht qeveria po bën trajtimin financiar të familjarëve, dhe në marrjen e titullit Dëshmor i Atdheut, kur të hyjë në fuqi vendimi në mbledhjen e parë të Qeverisë, familjarët dhe fëmijët do të trajtohen si fëmijë në përkujdesje të Republikës. Djemtë do të marrin një pagë prej 170% të pagës që ka pasur Saimir Hoxha, po ashtu do të marrin dhe trajtim shëndetësor.”, u shpreh Çuçi.