Trupi i pajetë i Aldi Ramës, 21-vjeçarit që vrau nënkomisarin Saimir Hoxha do të tërhiqet nesër nga tezja e tij. Kur kanë kaluar më shumë se 14 orë nga momenti që Rama ka ndërruar jetë tek spitali i Traumës ku dhe po kurohej pasi qëlloi veten në kokë me armë zjarri, është bërë ‘i gjallë’ një prej familjarëve.
Tezja e Ramës do të paraqitet nesër për të marrë trupin dhe për ta përcjellë të riun për në banesën e fundit. Dy prindërit e tij ndodhen gnë Greqi, babai në burg, i dënuar përjetë, ndërsa e ëma jetpnte në vendin fqinj, por deri më tani nuk është bërë me dije nëse është nisur për në Shqipëri apo jo.
Aldi Rama jetonte me gjyshërit e tij pasi prindërit i kishte të divorcuar. Ai vrau një ditë më parë nënkomisarin Saimir Hoxha në Lezhë dhe më pas qëlloi veten me plumb në kokë. Ai u gjet nga forcat RENEA i shtrirë në një kanal dhe u dërgua në spital, ku dhe ndërroi jetë.