Pas një shtyrje më shumë se dy vjeçare për shkak të tërmetit dhe pandemisë COVID19, INSTAT do të nisë më 4 tetor fazën pilot të censit të popullsisë dhe banesave. Ndërsa projekti real do të nisë në vitin 2022.
Për fazën pilot, janë zgjedhur 15 zona në 9 bashki të vendit dhe të dhënat që do të rezultojnë do të shërbejnë në funksion të Censit real të regjistrimit të banesave dhe popullsisë.
Buxheti që kërkon ky projekt është afro 8.3 milionë euro. Sipas bazës ligjore, qytetarët që refuzojnë të japin informacionin e kërkuar do të gjobiten deri në 100 mijë lekë. Në cens do të regjistrohen ekonomitë familjare, individët, migracioni, banesat, arsimimi, punësimi, pakicat kombëtare, dhe numri i të huajve në vendin tonë. Censi i fundit është bërë në vitin 2011.