Ish-ministri i Brendshëm Sandër Lleshaj ka komentuar zhvillimet e fundit politike.
Ai tha se fenomeni kanabis ‘ka vdekur’ pavarësisht se në zona të caktuara ende ka kultivim të bimëve narkotike.
“Është evidente që fenomeni si i tillë nuk është më në atë nivel shqetësimi që ka qenë, fenomeni ka vdekur në një farë mënyre, por kanë ngelur gjallë rastet. Rastet ju i ndeshni përditë në Angli, në Spanjë, në Francë, në Greqi, në Itali, gjithandej. Kjo është një luftë e pandalshme e krimit me ligjin,” u përgjigj Lleshaj për Euronews Albania.