Elhaida Dani ka publikuar së fundmi albumin e saj më të ri, “ZanIN”, për të cilin kishte kohë që punonte.
5 këngët e albumit, janë pritur mirë nga publiku, por gjithashtu edhe nga kolegët e saj.
E ftuar në emisionin ‘Rreze Dielli’ në Report Tv ajo foli për “Zanin’’, por edhe rrëfeu më tepër edhe për familjen dhe dashurinë. Ajo u shpreh se fama ia ka kushtëzuar jetën por megjithatë është një ‘sakrificë’ e rrugës që ka zgjedhur dhe ka dashur gjithmonë.
‘’Absolutisht shumë, fakti që jeta ime është tre muaj në një kontinent, tre muaj në një continent tjetër ndikon në mundësinë e të pasurit një jetë private konstante por e kam njohur jetën time, e kam kërkuar vet këtë lloj jete e kam dashur shumë dhe kam punuar për ta pasur sa jam në një pikë dhe e kam kuptuar para disa vitesh që është ok dhe personi që më rri në krahë e di shumë mirë, duhet ta dijë shumë mirë këtë gjë, duhet ta pranojë dhe duhet të dijë si të komunikojë edhe ta bëjmë dicka pozitive edhe largësinë time shumë intense”, tha ajo.
Teksa foli për dashurinë dhe partnerin ajo tregoni dhe “kriteret” që duhet të ketë ai që do t’i qëndrojë në krah.
“Unë dua shumë që të jetë një person i realizuar vet, të mos e shoh jetën time si dicka që e plotëson por që të jetë vetë i plotësuar dhe në fund të ditës thjesht ti japim njëri-tjetrit dhe jo të presim të na mbushi tjetri me asnjë lloj ndjesie”, tha këgëtarja.
Megjithatë, për këtë, ajo nuk tregoi më shumë detaje, duke mos zbuluar asgjë më tepër rreth jetës private, pasi ajo gjithmonë tregohet shumë e rezervuar.