Ministri i Bujqësisë, Blendi Çuçi u shpreh se në konsideratën e tij, Erion Veliaj është kandidatura më e padiskutueshme për zgjedhjet lokale të qershorit.
Çuçi i ftuar në Ora News në emisionin “Tempora” ,ka nuk ka dhënë informacione se çfarë ndodhi në mbledhjen e Asamblesë së PS-së, por tha se puna e Erion Veliajt e bën atë kandidat për një mandat të dytë. “Jo nuk kam informacion! Kam një konsideratë për Erionin, që për mua është kandidati më i padiskutueshëm ndër 61 kandidatët që mund të zgjedhë Partia Socialiste. E kjo lidhet vetëm me punën qe ai ka bërë për Tiranën”, tha ai.
Bledi Çuçi iu përgjigj akuzave për praninë e ish-ministres së diktaturës Themie Thomai si pjesë e bordit këshillimor në Ministrinë që drejton.
“Zonja Thomai është ndoshta nga zonjat më të qarta ne lidhje me sektorin e bujqësisë. Është një nga ekspertet më të qarta në panel. Me vjen keq që mediat sociale merret vetëm me zonjën Themie Thomai. Te gjithë janë profesorë të nderuar. Unë i kam si bord këshillimor që të këshillohem unë si ministër. E kam ftuar dhe e falënderoj publikisht që ju përgjigj ftesës sime. Është vërtetë një nga ekspertët më të mirë të bujqësisë që ka vendi. Ky është bord këshillimor që vijnë pa pagese janë vullnetarë. Është një bord vullnetaresh përveç ndonjë tas çaj që ua ofroj unë”, ka thënë ai.