Është shtyrë ngritja e komisioneve hetimore parlamentare.
Kreu i Grupit Parlamentar të Partisë Socialiste Taulant Balla është shprehur se Kuvendi, në rastet kur kërkohet ngritja e komisionit hetimor nga një e katërta e deputetëve, ka detyrimin që të mos e diskutojë ngritjen e komisionit, por ia nënshtron diskutimit parlamentar shkallën e respektimit të parimeve kushtetuese në objektin e veprimtarisë së tij.
Ky debat, shtoi Balla, realizohet me qëllim gjetjen e një konsensusi ndërmjet palëve lidhur me objektin e hetimit, deri në arritjen e një vendimmarrje.