Ditën e sotme ‘Big Brother’ do të rikthehet në ekran, por këtë herë si ‘Big Brother VIP’. Moderatorja Arbana Osmani i ka dhënë fund enigmës që na ka shoqëruar përgjatë ditëve të fundit: emrat e opinionistëve.
Në një intervistë të shkurtër për ‘Top Channel’, Arbana ka zbuluar se këtë vit do të shohim në rolin e opinionistëve moderatoren Balina Bodinaku dhe drejtuesin e fondacionit “Fundjavë ndryshe”, Arbër Hajdarin.
“Opinionistët janë dy figura shumë të njohura, të spikatura por jo në këtë rol. Asnjëherë! Pra, nuk kanë qenë kurrë opinionist në një reality-show. Do kem kënaqësinë që ta ndaj skenën, formatin, rrugëtimin me Arbër Hajdarin dhe Balina Bodinakun. Të dy të shkëlqyer në fushat respektive dhe jam e sigurtë që do t’i japin më shumë vlerë këtij formati”, është shprehur Arbana.