Donald Veshaj është një nga konkurrentët e “Big Brother VIP Albania”. Ai u shpreh se dëshiron të vendosë veten në provë teksa bëri edhe një kërkesë “të çuditshme” për vëllain e madh duke i kërkuar:“Një femër që ta ketë kokën plot!”. Megjithatë, ai u përlot që në nisje të programit pasi mori një surprizë nga Agron Llakaj, i cili teksa i uroi suksese për këtë rrugëtim të ri i kujtoi se paska qenë shumë i fshehtë për faktin se nuk ia kishte treguar që do bëhej pjesë e shtëpisë më të famshme.
E teksa Donaldi është gati për një rrugëtim krejt të ri dhe të jashtëzakonshëm, “gjysma e tij”, Romeo ndodhet jashtë duke vijuar jetën normalisht. E duket se ai do e ndjejë më shumë mungesën e Donaldit. Ditën e sotme Romeo ka postuar në Instagram foton e të vëllait duke shkruar se i mungon dhe ndonëse janë larg ai e mbështet. Me natyrën karizamtike që e karakterizon, Romeo ka zgjedhur disa fjalë të pazakonta për të bërë dedikimin e tij ku shkruan: “Prej këtij plerës jam gjysëm sot! Shpirti vëllait ti e di që unë jam aty me ty me gjithë energjinë time! Luv y bro”.