Bashkia e Vlorës ka nisur që të marrë masat për sigurinë e qytetarëve të saj në një kohë kur Jugu i Shqipërisë pritet që të përfshihet nga një stuhi që vjen nga Italia. Me anë të një njoftimi zyrtar, Bashkia e Vlorës ka kërkuar që qytetarët të shmangin lëvizjet e padomosdoshme me makina. Ndërsa po ashtu ka kërkuar që qytetarëtë gjithashtu të tregojnë kujdes edhe me zgjedhjen e vendeve të parkimit, pasi mund të rrezikohen përmbytjen.
“Për shkak të shirave të dendur, duhet të keni kujdes edhe me vendin e parkimit të makinave dhe të jeni të vëmendshëm për vendet që rrezikojnë të përmbyten! Paralajmërimet e meteorologëve për shira të vazhdueshëm, na bëjnë të jemi të kujdesshëm,”-shkruhet në njoftim.
POSTIMI I PLOTË:
Të dashur qytetarë!
Duke parë kushtet e motit në Vlorë, por edhe në të gjithë vendin, do ju luteshim të shmangni lëvizjet me makina që nuk janë të domosdoshme. Për shkak të shirave të dendur, duhet të keni kujdes edhe me vendin e parkimit të makinave dhe të jeni të vëmendshëm për vendet që rrezikojnë të përmbyten! Paralajmërimet e meteorologëve për shira të vazhdueshëm, na bëjnë të jemi të kujdesshëm.
Kujdesuni për veten dhe familjarët tuaj!
Për çdo nevojë vendosni kontakt me Ujësjellës Kanalizimet dhe Shërbimet publike të Bashkisë.