Policia e Korçës bën të ditur se ka ndërruar jetë në spital 29-vjeçarja e cila u plagos një ditë më parë në aksidentin në afërsi të fshatit Verçun të Pogradecit.
Policia bën të ditur se procedimi penal ka nisur për drejtuesin e mjetit K.G., 42 vjeç. Mjeti doli nga rruga e për pasojë u dëmtuan Xh. H dhe vetë drejtuesi i mjetit. Vajza humbi jetën, ndërsa vetë shoferi ndodhet në spitalin e Traumës në Tiranë ku po merr mjekimet e nevojshme.
“Në vijim të informacionit paraprak datë 07.10.2021, i cili bën fjalë për një aksident rrugor, strukturat e lartpërmendura, filluan procedimin penal për veprën penale “Shkelja e rregullave të qarkullimit rrugor”, ndaj shtetasit K. G., 42 vjeç, banues në fshatin Shqitas, Maliq, pasi në segmentin rrugor Grunjas-Kakaç, ky shtetas duke drejtuar mjetin tip “Ford”, ka dalë nga rruga dhe për pasojë kanë marrë dëmtime pasagjerja, shtetasja Xh. H., 29 vjeçe, banuese në fshatin Shqitas, Maliq, e cila gjatë transportimit për mjekim më të specializuar në Tiranë, ka ndërruar jetë, si edhe drejtuesi i mjetit K. G., i cili ndodhet në Spitalin e Traumës Tiranë, nën kujdesin e mjekëve”, thotë policia