Konkurrentët e ‘Big Brother VIP’ janë shndërruar në personazhet më të komentuar ditët e fundit në mediat rozë.
Plot 14 banorët kanë filluar tashmë të njihen më mirë me njëri-tjetrin, teksa nuk kanë hezituar edhe të ndajnë me shikuesit të pathënat nga jeta e tyre private.
Teksa po diskutohej me banorët rreth lidhjeve në çift dhe ndërhyrjeve nga familjarët mes një çifti, këngëtarja Fifi tregoi një rast konkret nga jeta e saj.
Këngëtarja, emri i vërtetë i së cilës është Filloreta Raçi, ka treguar se ish-i dashuri i saj i parë e kishte lënë, kjo pasi ajo nuk i kishte pëlqyer mamasë së tij.
“Mua më ka thënë ish-i dashuri im i parë, po më thotë nëna: ‘Zgjidh mes mua dhe asaj’, pse? ‘Sepse ajo është katundare e Ferizajt dhe është këngëtare dhe unë s’e dua nusen as këngëtare as katundare”, tregoi Fifi.
Pavarësisht këtyre detajeve, Fifi ka qenë gjithnjë e rezervuar për sa i përket jetës së saj private.
Vitin e kaluar u përfol në media rozë se ajo kishte nisur një lidhje me një djalë nga Shqipëria të quajtur Xhulio, që pas një kohe të shkurtër, dyshja thuhet se i prishën raportet.
