Një atmosferë fantastike është krijuar në qytetin e Peshkopisë me “Festën e të Vjelave” në edicionin e 16-të të saj. Kjo festë u ndërthur mjaft bukur me performancat artistike-kulturore të grupeve pjesëmarrëse në “Oda dibrane.”
Rreth 160 fermerë, dhe jo vetëm, u bënë bashkë duke ekspozuar në stendat e vendosura përgjatë bulevardit “Elez Isufi” produktet më të mira dibrane “bio” si: mollët, arrat, gështenjat, rrushin, prodhimet e bulmetit, mjaltin, jufkat, gatimet tradicionale, punime artizanale, e shumë e shumë të tjera.
Pjesëmarrësit fermerë dhe qytetarët i përshëndeti kryetari i Bashkisë Dibër Shkëlqim Murrja, deputeti i Qarkut Dibër Lavdrim Krrashi, Prefekti i Qarkut Nexhbedin Shehu, etj.
