Për fenomenin ne rrjeteve sociale, Elhaid Cufi, ‘’Vëllai i Madh’’ kishte rezervuar një surprizë emocionuese. Spektaklin e së martës mbrëma ai pati mundësinë të takonte babin e tij, për të cilën shfaqi publikisht se kishte mirënjohje dhe dashuri të madhe.
Elhaid tregoi se para disa viteve babi i tij humbi këmbën, dhe nga trishtimi i tepërt vuajti edhe nga depresioni për më shumë se sa 10 vite. Nëna ishte ajo që nga ana tjetër duhet të punonte dhe të përballonte gjithë nevojat e familjes.
Edhe pas përfundimit të spektaklit, ai vijoi të tregojë për banorët detaje të reja nga historia e tij e trishtë.
‘’U zgjua dhe sapo mjekët i thanë që këmba të është prerë kaloi në trishtim dhe nuk foli më për asgjë, mamaja me shumë sakrifica ka punuar që të kujdesej për ne dhe të blinte edhe ilaçet e babit’’,- tha Elhaidi.