Një prej vajzave më të njohura dhe me influencë të shoëbiz-it shqiptar padyshim që është dhe Dojna Mema. E cila ëshët gjithmonë aktive nëpër rrjete sociale duke reaguar për situata që i shqetësojnë të gjithë.
Së fundmi, një video e një vajze të vogël, e cila është pjesë e emisionit “T’ka mami yll” është bërë virale. Konkurrentja e vogël, dëshironte të sfidonte në kategorinë e kërcimit dy nga konkurrentët e tjerë, por vetëm fakti që ishte pak e mbushur shkaktoi reagime fyese nga juria e programit, kryesisht Albi Nako dhe Erjona Rusi. Të cilën komentuan rreth ushqimit të vajzës dhe e pyetën nëse do të linte ushqimin për kërcimin.
Një ndodhi e tillë është komentuar nga shumë personazhe dhe njerëz të cilët i ka prekur ky gjest dhe trajtimi i tillë i një fëmije, të cilën e kanë quajtur të bullizuar.
Kujtojmë se kjo nuk është hera e parë që Albi Nako ndodhet në një skandal të tillë, pasi dhe në fillim të vitit ai u përfol shumë teksa ofendonte një konkurrente për moshën e saj gjatë emisionit “Just Dance”.
Shumë personazhe të njohur kanë reaguar ndaj këtij fenomeni, përveç moderatores në atë periudhë, Dojna Mema e cila reagoi pasi të gjithë ju kundërvunë se pse po rrinte në qetësi. Për këtë ndodhi ajo është shprehur duke thënë se nuk është në pozitë dhe se pozicioni i saj është delikat.
Edhe këtë herë, me videon e vogëlushes, reagimi i Dojnës vjen disa ditë më pas me anë të InstaStory, ku ajo është shprehur se një video e tillë nuk duhet publikuar më dhe se duhet thjesht komentuar dhe lënë me aq. Kjo prej faktit që mund të lëndojë dhe ngarkojë më shumë psikologjikisht fëmijën. Ajo ka përmendur gjithashtu se për këtë çështje duhet të merret AMA, pra duhet të kalojë në një çështje ligjore.
Imagjinoni pak gjëndjen psikologjike të këtij fëmije. Ju lutem mos e ripublikoni më atë video, ajo vajzë nuk ka zgjedhur të jetë aty për sa kohë nuk është një adult që firmosur dhe merr përgjegjësi për veprimet e veta… Shprehni mendimin tuaj dhe kaq.