Prej disa muaj në media është raportuar se Ghetto Geasy, Majk dhe Xhensila Myrtezaj kanë bashkuar forcat për një projekt të përbashkët. U tha se kënga ka përfunduar dhe se pritej xhirimi i videoklipit. Ndërkohë, vetë tre artistët nuk e kanë konfirmuar diçka të tillë. Deri sot, kur si “padashje” konfirmuan se kënga është gati dhe do lançohet së shpejti.
Të tre ata publikuan në rrjetet sociale foto nga xhirimi i klipit në të njëjtën kohë. Teksa si konfirmimim për bashkëpunimin e tyre shërbyen komentet në postimet e njëri-tjetrit. “Gati, gati edhe paak”- shkroi Xhensila, kurse Majk shkëputi një varg nga kënga, duke shkruar krah fotos: “Ti je mëkati jem”.
Getoari nuk bëri asnjë përshkrim krah fotos, teksa duket se ka zgjedhur që në videoklip të vijë me një ndryshim në look. Si asnjëherë më parë, ai shfaqet me flokë të prerë anash dhe pjesën tjetër të lëshuar. Ndryshim edhe më drastik ka bërë Xhensila e cila pak javë më parë postoi në rrjetet sociale foto me flokë të prerë shkurt, siç nuk e kishim parë kurrë. E duket se ky ndryshim lidhet me projektin e ri.
Kujtojmë se si Xhensila edhe dy reperët nuk munguan me projekte gjatë verës. Gjeto Geasy bashkëpunoi me Stine për këngën “Andiamo”, kurse Xhensila erdhi në një duet me Lumi B, me titull “Prit Pak”. Kurse Majk e nisi verën me bashkëpunimin e suksesshëm me Ledrin “Marr” dhe e mbylli me një tjetër bashkëpunim me Onat dhe Cozman, “Amore”.