Shkaqet e vdekjes së katër turistëve në Qerret, vijojnë ende të mbetet mister, ndonëse hetimet po vazhdojnë për zbardhjen e plotë të ngjarjes.
Në lidhje me ngjarjen ka reaguar zyrtarisht edhe ambasada ruse në Tiranë, ku përmes një njoftimi për mediat, bën me dije se kërkon hetim të plotë nga pala shqiptare për shkaqet e vdekjes së shtatasve rusë.
Dy bashkëshortët Natalia dhe Sergei Burenkova përkatësisht 58 vjeç dhe 60 vjeç, vajza e tyre Ekaterina dhe partneri u saj Nikita u gjetën të pajetë në dhomën e saunës së hotelit “Gloria Palace”, ku ishin vendosur dje. Fillimisht u dyshua për asfiksim, por pista që ka tashmë në dorë grupi hetimor, është ajo e vrasjes.
REAGIMI I PLOTË:
Për vdekjen e katër shtetasve rusë në Shqipëri
Ambasada Ruse në Shqipëri konfirmon vdekjen e katër shtetasve rusë (Natalia Burenkova, Sergey Burenkov, Ekaterina Burenkaya dhe Nikita Belousov) në një hotel pranë qytetit të Kavajës. Departamenti Konsullor i Ambasadës është në kontakt të vazhdueshëm me agjencitë e zbatimit të ligjit të vendit për zbardhjen e rrethanave të ngjarjes. Ne presim një hetim të plotë nga pala shqiptare për shkaqet e vdekjes së shtatasve rusë. Familjarët e viktimave janë njoftuar. Trupat do të riatdhesohen në vendlindjen e tyre.
