Censi i Popullsisë dhe Banesave 2022 do të realizohet nga anketues që do të shkojnë në çdo shtëpi. Majlinda Nesturi drejtoreshë e statistikave Sociale pranë INSTAT sqaron se të gjithë qytetarët duhet të përgjigjen dhe të japin të dhënat e parashikuara në formular pasi në të kundërt parashikohen penalitete.
Me dëshirë do të jenë vetëm pyetjet që lidhen me fenë dhe etninë. Në censusin e 9 viteve më parë këto pika ngjallën reagime të forta brenda dhe jashtë vendit.
Censi i banesave ofron të dhëna të detajuara për çdo njësi të cilat do të ndihmojnë më pas në hartimin e politikave të duhura.
Censi i Popullsisë dhe Banesave 2022 do të jetë Censi i 12-të, që kur Shqipëria u shpall shtet i pavarur në vitin 1912, ku Censi i parë u krye në vitin 1923. Aktualisht në vend po zhvillohet Censi pilot qëllimi i të cilit është që të provojë në kushte reale hartografinë, metodologjinë dhe strukturën organizative.