Komisioni i Ligjeve ka miratuar në miratim projektligjin për bashkëqeverisjen, që u bërë temë debati sot në mbledhje mes përfaqësuesve të mazhorancës dhe opozitës.
Në fund të mbledhjes, Komisioni i Ligjeve e ka miratuar pr.ligjin me 12 vota pro, ndërsa 6 deputetë kanë votuar kundër.
Projektligji përbën një nismë për rikonceptimin dhe riorganizimin institucional të Agjencisë për Dialog dhe Bashkëqeverisje dhe ka për qëllim përfshirjen e qytetarëve, jo vetëm në procedurat administrative, por edhe në proceset e tjera politikbërëse dhe vendimmarrëse. Objektivi final i tij është të rrisë cilësinë e ofrimit të shërbimeve publike dhe përgjegjshmërinë e nëpunësve publikë ndaj qytetarëve dhe të gjitha subjekteve të së drejtës.