Kriza politike në Shqipëri ka sjellë në Tiranë drejtorin e përgjithshëm për Politika Evropiane e Fqinjësi dhe Negocimet e Zgjerimit, Christian Danielsson.
Ai pritet të mbërrijë sot në Tiranë, për të zhvilluar takime të veçanta me drejtuesit politikë në vend.
Në fokus të takimeve të Danielsson do të jetë situata politike në Shqipëri pas vendimit të paprecedentë të opozitës për të djegur mandatet. Takimin e tij të parë, Danielsson do ta zhvillojë në orën 9:30 me kreun e qeverisë Edi Rama, ndërkohë që më pas në zyrat e delegacionit të BE-së do të presë përfaqësues të opozitës.
Në orën 12:00 zyrtari i Brukselit do të zhvillojë edhe një deklaratë me gazetarët, ku do të shprehë pikëpamjet e tij në lidhje me krizën politike në Shqipëri.