PD do të depozitojë nësër 3 amendamentet kushtetuese që formalizojnë 3 propozimet për Vetingun e politikanëve, zhbërjen e ndryshimeve kushtetuese të 30 qershorit të vitit të kaluar si dhe reforma territoriale
Sekretari Përgjithshëm i Partisë Demokratike, Gazment Bardhi tha se kanë pasur bisedime me ndërkombëtarët për këto propozime.
“Siç jeni njohur, grupi i PD dje vendosi që gjatë javës të depozitojë disa amendanmente kushtetuese. Pastrimin e politikës nga të korruptuarit dhe individëët me lidhje me krimin, ndryshimet kushtetuese dhe një reformë të re territoriale. Sot grupi i punës u mblodh për të finalizuar amendamentet vendosëm që nesër të depozitojmë amendamentet kushtetuese që formalizojnë të 3 propozimet. Të 3 çështjet nuk janë çështej në interes të Pd por në interes të qytetarëve. Ka ardhur momenti që në qeveri të kemi persona të palidhur me krimin dhe që nuk janë të korruptuar dhe që nuk kanë vënë pasuri të paligjshme për shkak të korrupsionit, të kemi një reformë territoriale që çon shërbimet atje ku janë dhe një reformë zgjedhore të duhur. Sot grupi i punës ka autorizuar depozitimin e këtyre amendamenteve nesër.
A do votohen nga Ps?
Detyra e opozitës është të ofrojë zgjidhje që kanë qytetarët, ne nuk shohim interesin e PD. Mazhoranca megjithë problemet që ka pas zgjedhjeve do duhet ti rikthehet interesit të qytetarëve. Deputetet e PS të mendojnë për qytetarët. Ka patur, ka dhe do ketë një proces informimi me ndërkombëtarët mbi çdo propozim të PD, e rëndësihme është që nesër i depozitojmë të 3 amendamentet.