Gjykata e Vlorës ka lënë në fuqi masën e arrestit me burg për Klodian Trocin, ish-kreun e Hipotekës në Vlorë, i cili u arrestua nga policia pas dyshimeve për korrupsion. Mësohet se në sallë ka folur vetëm avokati i Trocit, i cili ka kërkuar një masë më lehtësuese, gjë e cila u mohua nga Gjykata.
Trocit iu gjet në banesë një shumë prej 65 mijë eurosh, që dyshohet se i kishte marrë përmes rryshfetit.
Troci dha dorëheqjen nga posti i drejtorit të Kadastrës më 24 shtator të muajit të kaluar, dhe dyshohet si organizator i një vjedhje të sajuar në zyrën e qarkut të Vlorës, ku u morën disa dosje origjinale të pronave në zonën e Dhërmiut.