Ditën e sotme prefekti i qarkut Tiranë thërret drejtuesit e istitucioneve të Qarkut, ( Komisioni i Mbrojtjes Civile per Qarkun e Tiranes) Kryetar Bashkish, Drejtorat e Qarkut dhe drejtuesit e strukturave përgjegjëse për situatat e fatkeqesive natyrore. Do analizohet situata dhe do jepen porosi dhe urdhëra specifik në masat që duhet të merren për stinën e shirave dhe përmbytjeve që presim në vijim.
Murataj u shpreh se duhet të merren masa për përballimin e situatave emergjente që mund të krijohen në periudhën e shirave dhe të përgatitet me urgjencë plani i masave që duhen marrë.
Ai tha se rezervuaret në të gjithë qarkun përbëjnë një potencial të rrezikshëm dhe sidomos ata përgjatë autostradave që do të mund të shkaktonin katastrofa në banesa dhe biznese.
“Ndërhyrja në këtë periudhë është emergjente, kemi parë nëse bashkërendojmë punën mirë mes institucioneve rezultatet do të jenë të mira dhe me më pak dëme se vitin e kaluar”-tha prefekti.
Po ashtu për dhe sekretari i Prefekturës Fatos Veliu, u bëri thirrje të gjitha strukturave, kryesisht bashkive që të rivlerësojnë dhe një herë zonat e rrezikut. Veliu tha se duhet të merren masa në mënyrë që të rishikohen të gjitha kapacitetet njerëzore që janë në bashki që të mos gjenden të papërgatitur në rast urgjence.
“Kemi arritur një suksese të jashtëzakonshëm, ka një rezultat shumë të dukshëm në uljen e dëmeve që erdhi këtë verë. Nga dhjetra ha te djegura vitin e kaluar si rezultat i mirëorganizimit te ketij komisioni kemi rreth 70% më pak dëme është bërë evidentimi i zonave të rriskut.
Ju kërkoj të gjitha strukturave kryesisht bashkive që të rivlerësojnë edhe një herë zonat e rriskut. Të ulen këto rrisqe, të merren masa dhe të rishikohen të gjitha kapacitete njerëzore që jane në bashki që të mos gjendemi të papërgatitur. Na janë rrezikuar banesa nga rrëshqitjet vitet e shkuar dhe duhet një bashkëpunim i fuqishëm me një plan të detajuar masash se si do të veprojë bashkia, policia, strukturat e emergjencave”-tha Veliu.