Për kreun e Partisë Demokristiane Nard Ndoka, ish-kryeministrit Berisha nuk i prishet asnjë punë për faktin se është “non grata” nga Shtetet e Bashkuara, pasi sipas tij ish-lideri historik i PD-së ka qenë disa herë atje për ta vizituar.
Ndërkohë sipas Ndokës, në qoftë se do të kishte probleme ligjore të Berishës, dosja mund të vinte nga SHBA në SPAK për tu gjykuar.
Ndoka ka theksuar po ashtu se përderisa nuk ka sot një vendim të gjyqësorit, çdo njeri nuk mund të pengohet në aktivitetin e tij politik.
“Zoti Berisha është një politikan, deputet i Kuvendit të Shqipërisë, është lideri historik i një partie politike. Nëse ai ka probleme që nuk lejohet të hyjë në SHBA, besoj që nuk i prish ndonjë punë të madhe për ta vizituar për faktin se ka qenë disa herë atje. Në qoftë se ka probleme ligjore, legale SPAK-u është produkt i SHBA-ve. Ajo dosje mund të vijë dhe të gjykohet, kur drejtësia të flasë heshtim të gjithë ne, heshtin edhe militantët. Përderisa ne nuk kemi sot një vendim të gjyqësorit besoj që çdo njeri nuk mund të pengohet në aktivitetin e tij politik”, tha Ndoka.