Kreu i PD-së, Lulzim Basha ka zhvilluar një takim pasditen e sotme me krerët e degëve.
Mësohet se takimi ka nisur në orën 18:00 dhe ka përfunduar rreth 21:00, pra një takim që ka zgjatur rreth 3 orë.
Në fokus ka qenë reforma territoriale, ku Basha ka bërë me dije se do të nxjerrë në terren Gazment Barrdhi, për propozimet për reformën, e ndërsa edhe në këtë mbledhje nuk kanë munguar kundërshtitë. Ka qenë Anton Pjetërnikaj që ka thënë se partia nuk mund të vijojë kështu.
“Kështu nuk mund të shkojë partia, po ngordh demokracia”, mësohet të ketë thënë ai.
Kundër Bashës folën edhe Dashamir Aliko i Gjirokastrës dhe Isuf Çelaj i Tropojës.
“Nuk mund të vazhdojmë kështu, duhet zgjidhje”, kanë thënë ata.