Prej rreth një orë në Kuvend vazhdojnë replikat mes kryeministrit Edi Rama dhe kreut të PD-së Lulzim Basha.
Kryeministri Rama i kërkoi kryedemokratit të respektojë që ta respektojnë pasi proceset kërkojnë dialog dhe jo me mënyrën e komunikimit të Bashës.
“Duhet të kuptosh që ne nuk kemi kohë për të humbur por angazhohemi me të gjithë kohën për ti bërë seriozisht. Zotrote, e ke treguar më shumë se një herë jo vetëm me shifrat, po dhe me germat ke probleme dhe lexon siç të konvenon atë moment kur improvizon ditën e radhës në politikë. Tani më vjen shumë keq, ti ke leximin tënd, puna jote, por ne nuk mund të hyjmë në proces ndryshimi kushtetute e ndryshimi ligjesh këtu duke të besuar ty se si lexon ti. Këto bëhen me dialog mes përfaqësuesve të PD dhe të PS të cilët bënë mirë shumë ti respektosh nëse nuk do ta ndërpresim përfundimisht këtë mënyrë komunikimi dhe nëse nuk do që dhe ne të ta kthejmë me mosrespekt, jo duke nxjerrë nga goja ato që nxjerr ti se shkove deri te kafshimet se ke qenë aleat me një që kafshonte publikisht deri dje. Nuk je në ëndërr! Zgjohu Lulito. E di nga e ke, aleatin e ke pas në krah me kafshim e e premtime për kafshime në qafë. Po të them që të mbyllim këtë persistencën tënde me të njëjtën gjë, shpif shpif se diçka do mbetet. Kostoja e ndërtimit është me m2 kur vjen fjala për shkolla, apartamente dhe shtëpi banimi. Nuk është me sasi”, tha Rama.