Nga Anduena Sefgjini
Linela Markja është një mësuese e gjuhës angleze e re ne moshë dhe profesion, të cilën kjo gjë nuk e pengoi për të dhënë dhe marrë dashurinë e një mësueseje tek nxënësit e saj. Është diplomuar për gjuhën Angleze në vitin 2016 si dhe disponon shumë certefikata të seminareve dhe trajnimeve të ndryshme brenda dhe jashtë Shqipërie. Linela zotëron 5 gjuhë të huaja, ndonëse nuk rresht së mësuari dhe studiuari sërish për to.
Prej pothuajse 1 viti ajo ishte zëvëndësuese në shkollën 9-vjeçare “Ibrahim Tema”, ne fshatin Kurdari, Bashkia Klos. Por çfarë ishte ajo cilësi që e bëri Linelën një mësuese kaq të dashur dhe të pa harruar për nxënësit e kësaj shkolle?!
Teska na tregonte për nxënësit edhe ajo përlotej:- “Jam munduar të bej më të mirën e mundshme që të jem një mësuese që i frymëzon fëmijët për të zbuluar talentet e tyre dhe që te vijnë me dëshirë ne shkollë. Mbaj mend që nje pedagoge në Master na ka thënë :- Ju nuk e dini se çfarë problemesh dhe stresesh mund të ketë fëmija. Ai nuk vjen në shkolle që t’i nxihet jeta më keq apo të shohë edhe një mësues të paedukatë. Mundohuni sadopak t’i bëni të lumtur nëse doni të keni rezultate në mësime. ”
Ndryshe nga mësueset e zakonshme Linela tregon për mënyrë e të trajtuarit të nxënesit. ” Kam kërcyer me fëmijët, kënduar, luajtur, jam përfshirë në çdo aktivitet sëbashku me ta edhe pse kam marrë kritika nga kolegët për sjellje jo autoritare. Por sërish s’jam ndalur duke e bërë çdo ditë të mësimit më interesante dhe më të bukur për nxënësit.”
Nxënësit e shkollës “Ibrahim Tema” Kurdari , sapo u njoftuan se mësuese Linela nuk do jetë më në shkollën e tyre, kanë shpërthyer në lot.
“Momenti i parë që u thash do largohem për angazhim tjetër ata e pritën keq, mu hodhën duke më përqafuar dhe duke qarë”,- shtoi Linela
“Më pas çdo ditë më kanë shkruar letra duke më lutur të mos largohem si dhe duke shprehur mirënjohjen dhe dashurinë e tyre për mua. Kjo gjë më bën të ndihem sa e lumtur, ashtu dhe e pikëlluar. E lumtur sepse më duan dhe e pikëlluar sepse isha afeksionuar edhe une pas tyre dhe do të më mungojnë”, na thotë ajo e emocionuar. Mësuese Linela na ka mundësuar disa foto kolazhe me letra dhe aktivitete te bëra gjatë muajve në atë shkollë. Krahas mësimit të gjuhës angleze, ka bërë binjakëzime me shkolla të tjera në Poloni dhe Lituani dhe ka qenë urë lidhëse mes shkollave për komunikimin e nxënësve në skype dhe perfeksionimin e gjuhës së huaj.
Kështu për këtë 7-Mars ajo bëri një xhest të veçantë .
“Meqë nxënësit e mi më kanë bërë të ndihem një mësuese e priviligjuar, s’kam pritur dhurata prej tyre, por kam bërë për secilin nxënës të kenë nga një dhuratë kujtim nga mësuesja e tyre”,- u shpreh Linela.
Jo më kot Dan Rathe ka thënë :- ” Dhe Ëndrra fillon me një mësues i cili beson në ju, i cili ju shtyn dhe ju shpie në një plato tjetër….” / tirananews.al
